الثلاثاء، 25 نوفمبر 2014

ﺣﻮﺍﺭ ﺑﻴﻦ ﻃﻔﻞ ﺗﻮﻧﺴﻲ ﻭﺃﺑﻮﻩ ﺳﻨﺔ 2032


ﺑﺎﺑﺎ ..ﺑﺎﺑﺎ ...ﺍﻟﻴﻮﻡ ﻗﺮﻳﻨﺎ ﻋﻠﻰ ﺛﻮﺭﺓ ﺻﺎﺭﺕ ﻓﻲ ...ﺗﻮﻧﺲ ﻋﺎﻡ 2011
ﺍﻷ‌ﺏ (ﺑﻜﻞ ﻓﺨﺮ ): ﺇﻱ ﺇﻱ ﻧﺘﻔﻜﺮﻫﺎ ﻣﺎﻻ‌ ﻻ‌... ﺷﺎﺭﻛﺖ ﻓﻴﻬﺎ .. ﺃﻳﺎﻡ ﻣﺎﺗﺘﻨﺴﺎﺵ ﺍﻟﻨﺎﺱ ﺍﻟﻜﻞ ﻳﺪ ﻭﺣﺪﺓ ﻭﻛﻠﻤﺔ ﻭﺣﺪﺓ "Degageﺑﻦ ﻋﻠﻲ"ﺑﺎﻋﺪ ﺍﻟﻨﺎﺱ ﺍﻟﻜﻞ ﻛﻠﻤﺔ ﻭﺣﺪﺓ RCD degageﻭﺃﻳﺎﻣﺎﺕ ﺍﻟﻌﺴﺔ ﺍﻟﻤﻌﻠﻢ ﻭﺍﻟﻄﺒﻴﺐ ﻭﺍﻟﻜﻠﻮﺷﺎﺭ ﺍﻟﻜﻞ ﻧﻌﺴﻮ ﻣﻊ ﺑﻌﻀﻨﺎ ...!! ﺍﻟﻄﻔﻞ(ﻣﺴﺘﻐﺮﺏ) : RCD degage !!!ﻣﺎﻻ‌ ﺷﻜﻮﻧﻬﻢ ﺍﻟﻲ ﻳﺤﻜﻤﻮ ﻓﻴﻨﺎ ﺗﻮﺍ... ؟؟
ﺍﻷ‌ﺏ : ﺗﻲ ﻣﺎﻭ .. ﺗﻲ.. ﺗﻲ ﻣﺎﻭ .. ﻣﺰﻟﺖ ﺻﻐﻴﺮ ﺇﻧﺖ.. ﻣﺰﻟﺖ ﺻﻐﻴﺮ .. ﻣﺎﺗﻔﻬﻤﺶ .. ﺍﻟﻠﻪ ﻏﺎﻟﺐ ﻣﻨﺠﻤﻨﺎﺵ ﻧﻜﻤﻠﻮ ﺍﻟﺜﻮﺭﺓ ... ﺃﻣﺎ ﺭﺍﻭ ﻣﻌﺬﻭﺭﻳﻦ ﺗﻠﻬﻴﻨﺎ ﻓﻲ ﺍﻟﺠﻬﻮﻳﺎﺕ ﻭ ﺍﻟﻌﻠﻤﺎﻧﻴﺔ ﻭﺯﻳﺪ ﻋﺎﻣﺘﻬﺎ ﺍﻟﺼﻴﻒ ﺟﺎ ﺳﺨﻮﻥ
ﺍﻟﻄﻔﻞ (ﺑﻜﻞ ﺑﺮﺍﺀﺓ) : وعلاش انتخبتو واحد عمرو 90 ؟؟؟ ﺍﻷ‌ﺏ: ﻳﺎﺧﻲ ﺷﺒﻴﻚ ﺷﺪﻳﺖ ﻓﻲ ﺍﻟﺘﺎﺭﻳﺦ ﺇﻧﺖ .. ﺑﺮﺍ ﺭﺍﺟﻊ ﺍﻟﺤﺴﺎﺏ ﺧﻴﺮﻟﻚ ﺑﺮﺍ ﻭﺃﻗﻌﺪ ﻋﺎﻗﻞ ﺗﻮ ﻧﻬﺰ ﻧﺤﻮﺱ ﺑﻴﻚ ﻓﻲ ﻣﻘﺒﺮﺓ ﺑﻮﺭﻗﻴﺒﺔ 
ﺍﻟﻄﻔﻞ: ﻻ‌ ﻻ‌ ﻫﺰﻧﻲ ﻟﻤﻘﺒﺮﺓ ﺍﻟﺴﺒﺴﻲ ﺃﺯﻳﻦ ﻭ ﺃﻛﺒﺮ .

ليست هناك تعليقات:

إرسال تعليق