ويني الزّغاريط ... شبيكم ساكتين ...ڨوموا حظروا الدّنيا شبيكم ڨاعدين ؟...هيا ڨوموا و كمْلوا الحوسة ...قبل ما يجيوا دار العروسة ...لـمّولوا فرشو و بيتو ...حدّدولو سروالو و سوريتو ...حظرولوا عشاه ...و حطّوه فوڨ الطّاولة بش كي يجي يلڨاه ...ما تطيبولوش عشاء حار ...حطّولوا في صحفتو البلاّر ...يحب في السلاطة الكبّار ...هيّا يا بنات ...ڨوموا يزّيوا مالسّكات...حطّوا الطواول و الكراسي ...ڨوموا عاونوني مالتعب تـڨطعت أنفاسي ...هيّــا خليّ نعملوا جوْ ...و اجبدوا الأطبقة متاع الحلو ...الدّنيا ظلامت شعلونا الضّوء ...ڨوموا ڨوموا العريس جابوه ...على أكتاف بوه ... وسعولهم الطريق يدخلوه...و يغسْلوه ...في أحلى كفن يلفّـــوه ... و بأحلى ريحة يطيبوه ...بعدوا خلّي يعملولوا الحنّة ...ولدي ماشي للجنّة ...زغرطوا... يا نساوين ...زغرطوا ... على ولدي الحنين ... اليوم موش كيما كل نهار ...اليوم عرس زينة الدّار. رحم الله أبناء تونس
شهداء اخرون سقطوا اليوم فداء للوطن، لكم ايها الابطال ولشهدائنا الاحرار نقول:"ناموا قريري الاعين فدماؤكم لن تذهب سدى وتونسكم ستبقى ،بوجود رفاقكم ، كما اردتموها دوما شامخة حرة مستقلّة" «هاجموكم كالوحوش وقتلوكم غدراً... فأي صنف من البشر هم؟ ...إنهم أنصار الشيطان ويستحقون النار! ....حرموا الكثير من الأمهات أبناءهن والأطفال آباءهم بسبب طمعهم ووحشيتهم... فأي شريعة ترضى بأعمالهم الوحشية هذه؟» فديتم الأرض والشّعب والوطن، نرفع تعازينا الى اهالي الشهداء الّذين ضحوا بأنفسهم ليبقى الوطن عزيزا وشامخا رزقهم اللّه جميعا الصّبر والسّلوان
ليست هناك تعليقات:
إرسال تعليق