حانت لحضة الصفر واللتفت الساق بالساق وتعالت اﻷسواط وإستيقض المارد من السبات محطما كل اﻷوهام صائحا علاش الإرهاب لصق فينا وماحبش يسيبنا ؟ *********************************************************************************************************************************
الجواب ساهل ياسر : الإرهاب قاعد يضرب وين يحب وكيما يحب خاطرنا دولة ضعيفة متخلفة ... جيشنا ضعيف وماعندوش إمكانيات شرطتنا ضعيفة وناقصة تدريب وإمكانيات ... والشيء هذا ما بداش اليوم .. هذي حالتنا من ستين سنة بل بالعكس اليوم شرطتنا وجيشنا أقوى ألف مرة من وقت بن علي .
المالا شبيه الإرهاب كبّش فينا توة ؟
الجواب ساهل ياسر : خاطر الممول والرأس المدبر متاع الإرهاب كان عاجبو حالنا وضعفنا وتخلفنا وديكتاتوريتنا والسرقة والفساد ... يتفرج ويصلي عالنبي ويقول يستاهلو. كيف هزينا روسنا وحبينا نعملو ديمقراطية وحقوق الانسان وحرية وبعد باش تجي مكافحة الفساد والرشوة والسرقة وبعد يجي إصلاح المنظومة التربوية والصحة والثقافة وبعد انبدا ونوليو قوة إقليمية وبعد انوليو مثال يحتذى به. ووقتها نمثلو تهديد للممول متاع الارهاب . فهمتو علاه هوما مركزين علينا ؟ فهمتو علاه هوما يقصفو فينا كل شهر ؟ خاطر يحبونا نقولو قبل كانت الدنيا خير ... فهمتو علاه يحبو يقسمونا ؟ فهمتو علاه باعثين أفاعي الإعلام يسبو في السبسي والغنوشي والمرزوقي ؟ يحبوكم تكرهو بعضكم.... يحبوكم تاكلو بعضكم... يحبوكم تأيسو.. يحبكم تذبحو الديمقراطية بيديكم .. ردو بالكم تطيحو في الفخ ... ردو بالكم تخافو.... تونس راهي باهية... تونس راهي غالية... تونس راهي قوية. . تونس ديما قاهرتهم ... بذكانا بقوتنا بوحدتنا ... شوفوهم كيفاه يقتلو في بعضهم في البلدان الكل كي الذبان... وشوفو التوانسة علم واحد دستور واحد دم واحد قلب واحد .... مستعدين نموتو أحنا وأولادنا وأولاد أولادنا باش يبقى علم الغالية يرفرف في السماء..... تحيا تونس
ليست هناك تعليقات:
إرسال تعليق