الأحد، 7 يوليو 2013

مشروع حياة بسيطة


من أحلام شاب تونسي
 ثلاثة سنين أخرى تلقاني نعدي رمضان في داري مع المرتي ، نروح مالخدمة نعمل قيلولة أني في بيت النوم و هي في الصالة باش ما نخسرش صيامي هخخخ بعد هي تفيقني تقلي هيا أذبحلي سردوك عربي ،،، نفيق نذبحهولها ،،، تقسمو شوية للشربة و شوية للمرقة أني نحضر الطاولة البرا في الفيراندا و نخرج التلفزة و في إنتظار يؤذن المغرب نمشي نسقي شوية أشجار و بعد نبقى نقرا شوية قرآن ( أني و المرا نعملو ختم في رمضان )   هي حطت كل شيء و أذن المغرب  ناكلو صحفة الشربة و البريكة بعد نصليو المغرب في جماعة أني الإمام و هي ورايا ،،، بعد نهبطو عالمرقة إلي نحبها تحطلي معاها شوية معدنوس و بصل ثم تجيبلي ما تيسر من الغلال ،.، بعدها نلبس حوايجي و نمشي نصلي التراويح و هي تبقى تتفرج في مسلسلات رمضان ،.، بعد ما نروح مالجامع تحضرلنا هي كويس تاي منعنع و نطلعو في السطح نشربوه و نسهرو تحت ضوء القمر في جو تغلب عليه الرومانسية و الحب ،.، بعد نهبطو نرقدو .....
-->

ليست هناك تعليقات:

إرسال تعليق